துடுப்பாட்டம்.....!

வந்தது உலகக் கிண்ண
துடுப்பாட்டம்
பிடித்தது இங்கே
சூதாட்டம்....
அதனால், வீரர்கள்
கொண்டாட்டம்
ரசிகர்கள் நாமோ
திண்டாட்டம்...

தந்தியடிப்பு

உன் மீது எனக்கு ஒரு பிடிப்பு
அதனால் நெஞ்சில் பெரும் தடிப்பு..
உன்னை நினைத்து தினமும் துடிப்பு
அதனால் தந்தியடிக்க மனசு முந்தியடிப்பு......
எனினும் கொஞ்சம் பிந்தியடிப்பு
வந்திடுமோ என்று மாறாக உன் பதிலடிப்பு........

பணம் பணம் பணம்.........!

தூக்கம் விற்று
வேலை பார்த்தேன்
பணம் வரும் என்று.....
பணம் வந்த பின்பு
தூக்கம் போச்சு
என்னை விற்க.................!

தென்றலாய்......

தென்றலாய்......
நீ என்னைத் தொட்டபோது
காற்று என்றேன்
அன்று.......
என் உயிரைத் தொடும்போது
சுவாசம் என்கிறேன்
இன்று...

புரிந்து கொண்டேன்.....

இனிமை நிறைந்த
புத்தகம் என்று
நான் நினைந்தேன் உன்னை...
இன்றுதான் புரிந்தது
வெற்றுத்தாள்கள் நிறைந்த
வெறும் கட்டுப்புத்தகம்
நீ என்று....

மணிப்பை

செல்வந்தனுக்கு கைப்பை...
அதுவே
ஏழைக்கு உயிர்ப்பை..

தேர்தல் நாள்..

பிழையான மனிதர்களுக்கு
பிழை போடும்
பிழையான நாள்...